ತಂದೆ ಮತ್ತು ಗುರು...!

ತಂದೆಗೂ ಗುರುವಿಗೂ | ಒಂದು ಅಂತರ ಉಂಟು
ತಂದೆ ತೋರುವನು ಶ್ರೀಗುರುವ - ಗುರುರಾಯ ಬಂಧನವ ಕಳೆವ ಸರ್ವಙ ||

-ಸರ್ವಙ

ತಾತ್ಪರ್ಯ: ಮಾನವನ ಬದುಕಿನಲ್ಲಿ ತಾಯಿ-ತಂದೆ-ಗುರು ಈ ಮೂವರು ಬಹು ಮುಖ್ಯ ಪಾತ್ರಗಳು. ತಾಯಿ ಜನ್ಮಧಾತ್ರಿಯಾದರೆ, ತಂದೆ ಪೋಷಕ ಪಾತ್ರವಹಿಸುತ್ತಾರೆ. ಇನ್ನು ಗುರುವಿನ ಪಾತ್ರ ಅತಿ ಮುಖ್ಯವಾದುದು. ತಂದೆ ಮತ್ತು ಗುರುವಿಗೆ ಇರುವ ವ್ಯತ್ಯಾಸವೆಂದರೆ, ತಂದೆಯು ಮಗುವಿಗೆ ವಿದ್ಯಾಭ್ಯಾಸ ಕೊಡಿಸಲು ಗುರುವನ್ನು ಅರಸಿ ಅವನ ಬಳಿ ಬಿಡುತ್ತಾನೆ. ಗುರುವನ್ನು ತೋರಿಸಿದಾತ ತಂದೆಯಾದರೆ, ಗುರುವು ನಮ್ಮ ಬಂಧವನ್ನೆಲ್ಲಾ ಕಳಚಿ ಹಾಕುತ್ತಾನೆ.