ಯಾವುದು ಹೊಸತು ?

ಹಳೆ ಸೂರ್ಯ ಹಳೆ ಚಂದ್ರ ಹಳೆ ಭೂಮಿ ಹಳೆ ನೀರು |
ಹಳೆ ಹಿಮಾಚಲ ಗಂಗೆ ಹಳೆ ವಂಶ ಚರಿತೆ||
ಹಳೆಯವಿವು ನೀನಿದರೊಳಾವುದನು ಕಳೆದೀಯೋ ? |
ಹಳದು ಹೊಸತರೊಳಿರದೆ ? - ಮಂಕುತಿಮ್ಮ
-ಡಿ.ವಿ.ಜಿ

ತಾತ್ಪರ್ಯ: ನಮಗೆ ಹೊಸದಾಗಿರುವುದು ಯಾವುದು, ಅಂಥ ಹಳೆಯದಾದದ್ದು ಯಾವುದನ್ನು ನಾವು ತೆಗೆದು ಹಾಕಲಾಗುತ್ತದೆ ? ನಾವು ನೋಡಿತ್ತಿರುವ ಸೂರ್ಯ, ಚಂದ್ರ, ಭೂಮಿ, ನೀರು, ಹಿಮಾಚಲ ಗಂಗೆ, ಎಲ್ಲವೂ ಹಳೆಯವೆ. ನಮ್ಮ ಮಾನವ ವಂಶವು ಹಳೆಯದೆ. ನಾವು ಬರುವ ಮೊದಲೂ ಇವು ಇತ್ತು, ನಾವು ಹೋದಮೇಲು ಇವು ಇರುತ್ತವೆ. ಹೀಗಾಗಿ ಇವೆಲ್ಲವು ನಾವು ಈಗ ಹೊಸದೆಂದು ಯಾವುದನ್ನು ಕರೆಯುತ್ತೇವೆಯೊ ಅದರಲ್ಲಿ ಇಲ್ಲವೇನು ?