ಆಧ್ಯಾತ್ಮಿಕ ಮತ್ತು ತಕ್ಕಡಿ

ಜೀವಿಯ ಆಧ್ಯಾತ್ಮಿಕ ಜೀವನ ಒಂದು ತಕ್ಕಡಿಯಂತೆ. ಯಾವ ರೀತಿ ತಕ್ಕಡಿಯು ಭಾರವಾದ ಕಡೆಗೆ ತೂಗುತ್ತದೆಯೋ, ಅದೇ ರೀತಿ ಯಾವ ಮನುಷ್ಯನು ಪ್ರಾಪಂಚಿಕ ಸುಖ ಮತ್ತು ಭೋಗಗಳನ್ನು ಬಯಸಿತ್ತಾನೋ ಅವನು ಭೂಮಿಯ ಕಡೆಗೆ ತೂಗುತ್ತಾನೆ. ಅವನು ಮತ್ತೆ ಇದೇ "ಪುನರಪಿ ಜನನಮ್ ಪುನರಪಿ ಮರಣಂ" ಎಂಬ ಕಾಲಚಕ್ರದಲ್ಲಿ ಸಿಕ್ಕಿ ಬೀಳುತ್ತಾನೆ.

ಯಾವ ಜೀವಿಯು ಪ್ರಪಂಚದ ಸುಖ ಮತ್ತು ಭೋಗಗಳಿಗೆ ಮಾರು ಹೋಗದೆ ಇರುತ್ತಾನೋ, ಅವನು ಭೂಮಿಯ ಕಡೆಗೆ ತೂಗದೆ, ಪರಮಾತ್ಮನ ಸನ್ನಿಧಿಯನ್ನು ಸೇರುತ್ತಾನೆ. ಅವನಿಗೆ ಈ ಕಾಲಚಕ್ರದ ಭಯವಿರುವುದಿಲ್ಲ. ಅವನು ಮುಕ್ತಿಯನ್ನು ಹೊಂದುತ್ತಾನೆ. ಅವನು ಮುಕ್ತ ಜೀವಿ!!!.

- ರಾಮಕೃಷ್ಣ ಪರಮಹಂಸರು