ನೀನೊಲಿದರೆ...!

ನೀನೊಲಿದರೆ ಕೊರಡು ಕೊನರುವುದಯ್ಯ, ನೀನೊಲಿದರೆ ಬರಡ ಹಯನಹುದಯ್ಯ,
ನೀನೊಲಿದರೆ ವಿಷವೇ ಅಮೃತವಹುದಯ್ಯ,
ನೀನೊಲಿದರೆ ಸಕಲ ಪಡಿಪದಾರ್ಥ ಇದಿರಲಿರ್ಪುವು ಕೂಡಲ ಸಂಗಮದೇವ ||

- ಬಸವಣ್ಣ

ತಾತ್ಪರ್ಯ: ಕೂಡಲ ಸಂಗಮದೇವಾ, ನೀನು ಮೆಚ್ಚಿಕೊಂಡರೆ ಒಣದಾದ ಕಟ್ಟಿಗೆಯ ಕೊರಡು ಚಿಗಿತುಕೊಳ್ಳುವುದಯ್ಯ. ನೀನು ಮೆಚ್ಚಿದರೆ ಬಂಜೆಯಾದ ಗೊಡ್ಡು ಪಶುವು ಕೂಡಾ ಹಾಲು, ಮೊಸರು, ಬೆಣ್ಣೆಗಳನ್ನು ಕೊಡುವ ಹಯನವಾಗುವುದಯ್ಯ. ನೀನು ಮೆಚ್ಚಿದರೆ ವಿಷವೇ ಅಮೃತವಾಗುವುದಯ್ಯ. ನೀನು ಮೆಚ್ಚಿದರೆ ಎಲ್ಲ ಪಡಿ ಪದಾರ್ಥವು ನಮ್ಮ ಎದುರಿನಲ್ಲಿಯೇ ಇರುವವು.