ದುರ್ಜನರ ಸಹವಾಸ ...!

ಸಾರ ಸಜ್ಜನ ಸಂಗವ ಮಾಡುವುದು, ದೂರ ದುರ್ಜನರ ಸಂಗ ಬೇಡವಯ್ಯ.
ಆವ ಹಾವಾದರೇನು ? ವಿಶವೊಂದೇ, ಅಂತವರ ಸಂಗ ಬೇಡವಯ್ಯ,
ಅಂತರಂಗ ಶುದ್ದವಲ್ಲದವರ ಸಂಗ ಸಿಂಗಿ, ಕಾಳಕೂಟ ವಿಷವೋ, ಕೂಡಲ ಸಂಗಮದೇವಾ ||

- ಬಸವಣ್ಣ

ತಾತ್ಪರ್ಯ: ಒಳ್ಳೆಯ ಜನರ ಸಂಪರ್ಕವನ್ನು ಮಾಡುವುದು ಸತ್ವ ಪೂರ್ಣವಾಗಿದೆ. ದುಷ್ಟ ಜನರ ಸಂಪರ್ಕವನ್ನು ಮಾಡಬಾರದು. ಅವರಿಂದ ದೂರವಿರಬೇಕು. ಯಾವ ಪ್ರಕಾರದ ಸರ್ಪವಾದರೇನು ? ಕಚ್ಚಿದರೆ ವಿಷವು ಒಂದೇ ಆಗಿರುತ್ತದೆ. ಅಂತಹ ವಿಷಯುಕ್ತ ಜನರ ಸಂಪರ್ಕವೇ ಬೇಡ. ಕೂಡಲ ಸಂಗಮದೇವರ ಅಂತರಂಗವಿಲ್ಲದವರ ಗೆಳೆತನವು "ಸಿಂಗಿ" ಎಂಬ ಒಂದು ಬಗೆಯ ಘೋರ ವಿಷವಾಗಿದೆ.